Alboan, Hondakinen Prebentziorako Europako Sarietan finalista
Alboanek Hondakinen Prebentziorako Europako Saria eskuratu ahal du, elkarteen/GKEen kategorian, "Lurraren aldeko mugikorrak" kanpainarekin. Kanpaina 10 urte betetzen ditu orain, eta mugikorrak eta tabletak biltzea du helburu. Horiek berregokitu egiten dira merkatura itzultzeko, edo hondakin-kudeatzaileei bidaltzen zaizkie. Proiektuak, gailuak birziklatu eta berrerabiltzeaz gain, haien fabrikazioaren eragina arrazionalizatzen du, haien bizitza erabilgarria luzatuz eta lortutako funtsekin ekintza humanitarioak finantzatuz.
Guztira, Europako epaimahaiak hiru finalista aukeratu ditu bost kategoria bakoitzarako: administrazio publikoa, enpresak eta industria, elkarteak eta GKEak, hezkuntza entitateak eta hiritartasuna. Beraz, bost kategorietako 15 finalista europarrak dira, Europar Batasuneko kide diren herrialde guztietako eskualdeko eta estatuko koordinatzaileek izendatutako 63 ekimenen artean.
Elkarte eta GKEen kasuan, Alboan-ekin batera, Kataluniako SETEM eta Northern Ireland Resources Network erakundeak aukeratu dituzte finalista moduan.
Bestaldetik, Administrazio publikoaren kategorian, Gasteizko Udala aukeratu dute “Berrerabilagune” zentroak bultzatzeagatik, baztertutako artikuluei bigarren bizitza ematen baitie, eta, beraz, euskal presentzia bikoitza izango da azkenean.
Europako Hondakinen Prebentzio Asteko sari-banaketa datorren ekainaren 18an izango da, Marseillako (Frantzia) Europako eta Mediterraneoko zibilizazioen museoan.
- Lurraren aldeko mugikorrak kanpainari buruzko informazio gehiago nahi baduzu, sakatu HEMEN.
